Boy і October (1980-1982)

Island Records падпісала кантракт з U2 у траўні 1980 года, і 11 O’Clock Tick Tock стаў першым сінглам групы, выпушчаным за мяжой. У кастрычніку з'явіўся альбом Boy, які быў названы адным з лепшых дэбютаў за ўсю гісторыю рока. Нягледзячы на даволі абстрактныя і відавочна імправізаваныя напісаныя Боно тэксты песень, надзея і пачуццё расчаравання ў юнацкасці з'яўляюцца асноўнымі лірычнымі тэмамі альбома, якія закранаюць боязь сэксу, цяжкасці самавызначэння, смерць і сталую неапраўданую змену настрояў. Альбом уключае ў сябе хіт I Will Follow. За рэлізам рушылі ўслед гастролі групы па Ірландыі і Злучанаму Каралеўству. Нягледзячы на «неадшліфаванасць» групы, іх раннія канцэрты, тым не менш, паказвалі патэнцыял U2. Крытыкі назвалі Боно «харызматычным» і «гарачым» шоўмэнам. На амерыканскім тэлебачанні U2 з'явіліся ў красавіку 1981 года як удзельнікі перадачы The Tomorrow Show, дзе выканалі I Will Follow і Twilight.

Другі альбом групы — October — выйшаў у 1981 годзе. Ён утрымоўваў духоўныя песні: Боно, Эдж і Лары амаль не хавалі свой хрысціянскі светапогляд. Гэтыя трое ўдзельнікаў групы далучыліся да дублінскага рэлігійнага грамадства пад назвай «Братэрства Шалома» (ангел. Shalom Fellowship), што прывяло іх разважанню над узаемаадносінамі паміж рокам-н-роллом і хрысціянскай верай. Хоць Біблія і застаецца асноўнай крыніцай натхнення для Боно, October — самая рэлігійная пласцінка групы. І крытыкі, і фанаты лічаць, што гэта найменш удалая праца калектыва.

У лютым 1982 года група сустрэла Антона Корбейна, фатографа, які працаваў з Depeche Mode і Joy Division. Гэта стала пачаткам доўгага супрацоўніцтва: Корбейн стаў галоўным фатографам U2, і менавіта ён моцна паўплываў на імідж групы і яе публічны вобраз.